Þessi klassíska eplakaka er alltaf jafngóð og klikkar aldrei.
- 200 g smjör (við stofuhita)
- 3 egg
- 4 dl hveiti
- 2,5 dl sykur
- 1 tsk lyftiduft
- 1 dl rjómi
- 1,5 tsk vanilludropar
- 2 græn Granny Smith-epli
- kanilsykur
Byrjð á því að flysja epli,kjarnhreinsa og skera í bita.
Hrærið saman smjör og sykur í ljósa blöndu. Hrærið næst eggin saman við, einu í einu.
Blandið hveiti og lyftidufti saman og hrærið síðan saman við blönduna. Loks er rjóma og vanilludropum hrært saman við.
Setjið í smurt 24 sm form. Stingið eplabitunum ofan í deigið og sáldrið loks um tveimur matskeiðum af kanilsykri yfir.
Bakið við 175 gráður í um 45 mínútur. Leyfið að kólna aðeins og berið fram með þeyttum rjóma.
