Jacob’s Creek Chardonnay Pinot Noir Brut

Jacob’s Creek er eitt þekktasta og stærsta vörumerki ástralska víniðnaðarins og alla jafna eru þetta vín sem standa fyrir sínu og hægt er að treysta.

Þetta freyðivín frá Jacob’s Creek er gert úr sömu þrúgum og frönsku kampavínin, blanda úr Chardonnay og Pinot Noir. Það hefur þægilega angan, sætur ávöxtur, sítrus græn epli og vínber. Þarna er líka smá vottur af geri og matarkexi. Vínið er þurrt en ávöxturinn hefur góða sætu og þykkt, er jafnvel rjómakenndur, þetta er gert úr þrúgum sem greinilega eru ræktaðar við heitari aðstæður en í Champagne. Freyðir vel og þægilega, hefur alveg þokkalega fágun. Nýtur sín best ískalt.

1.999 krónur. Mjög góð kaup.

Deila.