Það er oft lykillinn að góðri pizzu að blanda saman nokkrum ostategundum. Hér er það mozzarella, gráðaostur og rjómaostur sem er meginstoð pizzunnar ásamt nautahakki.
Hráefni
- 1 skammtur pizzadeig
- 400 g nautahakk
- tómatapassata
- 1 laukur
- 1 dolla rifinn gráðaostur
- rjómaostur
- 1 poki rifinn mozzarella
- óreganókrydd
Aðferð
- Hitið olíu á pönnu og steikið hakkið. Saltið og piprið. Geymið.
- Hnoðið deigið vel og fletjið út.
- Smyrjið þunnu lagi af tómatasósu (passata) á botninn. Kryddið með óreganókryddi.
- Dreifið nautahakkinu yfir botninn.
- Skerið lítinn lauk í sneiðar og dreifið yfir botninn.
- Dreifið mozzarellaostinum yfir pizzuna.
- Dreifið gráðaostinum yfir pizzuna
- Dreifið nokkrum sneiðum af rjómaosti um pizzuna. Hver um sig má samsvara um matskeið af osti.
- Bakið neðarlega í ofni á hæsta mögulega hita, helst á pizzasteini. Eða bakið á pizzasteini á grilli.
