Hvítt súkkulaði og ítalski anis-líkjörinn Sambuca eru grunnstoðirnar í þessum hvítu trufflum.
250 g hvítt súkkulaði
1,5 dl rjómi
30 g smjör
75 g marsipan, rifið
1/2 dl Luxardo Sambuca
Hitið rjómann upp að suðu og bræðið hvíta súkkulaðið og smjörið saman við. Blandið rifnu marsipaninu og líkjörnum saman við. Hellið í ílát og geymið í kæli yfir nótt.
Mótið trufflurnar með tveimur teskeiðum og veltið þeim upp úr kókosflögum eða hjúpið með bráðnu súkkulaði.
Geymið í kæli eða frysti.
