Hér er humarinn eldaður með gamla góða laginu, klassískur í rjómasósu og borinn fram á smjördeigskodda.
Fyrir 6
- 24 humarhalar, skelflettir og hreinsaðir
- 1 pakkning smjördeig
- 1 tsk chiliflögur
- 3 skalottulaukar, mjög fínt saxaðir
- 3 hvítlauksgeirar
- 1 msk Dijon-sinnep
- 3 dl rjómi
- 1 eggjarauða
- Steinselja, fínsöxuð
Skerið smjördeigið í sex ferninga og bakið.
Þeytið helminginn af rjómanum og geymið.
Hitið smjör á pönnu og mýkið laukinn í nokkrar mínútur. Bætið chiliflögum, hvítlauk og humar saman við. Saltið og piprið. Veltið um á pönnunni í 1-2 mínútur. Hellið óþeytta rjómanum saman við og sjóðið niður um helming. Bætið sinnepi saman við. Bæið þeytta rjómanum og eggjarauðunni út á pönnuna og lækkið hitann. Þykkið sósuna.
Setijð smjördeigskoddana á diska og síðan fjóra humarhala í sósu á hvern kodda. Sáldrið saxaðri steinseljunni yfir.
Gott franskt hvítvín með, t.d. Búrgundarvínið Louis Jadot Chardonnay.
