Þennan humarrétt er tilvalið að elda úti á pönnu á grilinu þótt auðvitað megi einnig nota eldavélina í þeim tilgangi.
- Skelflettur humar, ca 20-24 halar
- 500 pasta, t.d. tagliatella eða papardelle
- skvetta af hvítvíni
Kryddblanda
- 1 msk paprika
- 1 tsk reykt paprika (eða cayenne)
- 1/2 msk sítrónupipar
- 3 pressaðir hvítlauksgeirar
- klípa af chiliflögum
Veltið humarhölunum vel upp úr kryddblöndunni
Limesmjör
- 75 g smjör
- Safi úr 1 lime
- Rifinn börkur af 1 lime
- 3 pressaðir hvítlauksgeirar
- salt og pipar
Sjóðið pasta samkvæmt leiðbeiningum á pakka.
Hitið grillið vel og setjið pönnu ofan á grililð. Þegar hún er orðin vel heit er smá ólívuolía sett á pönnuna. Steikið humarhalana. Hellið skvettu af hvítvínið saman við og leysið upp krydd sem kann að hafa fests á pönnunni.
Bætið limesmjörinu saman við og látið bráðna vel. Blandið pastanu saman við á pönnunni. Bragðið til með salti og pipar ef þarf. Setjið pönnuna strax á borðið og berið fram með nýrifnum parmesanosti.
Gott hvítvín með t.d. hið spænska Burgans Albarino.
