Humarpasta er hægt að gera á marga vegu. Hér byrjum við á bragðmiklu humarsoði sem síðan er notað í þykka og unaðslega sósu.
Sósan
- 3 dl humarsoð
- 3 dl hvítvín
- 2,5 dl rjómi
- væn skvetta af koníaki eða dökku rommi
- cayennepipar
Byrjið á því að gera humarsoð.
Setjð humarsoð, koniaki og hvítvín í pott og sjóðið niður um allt að 2/3. Bætið rjómanum saman við og sjóðið niður áfram um ca helming eða þar til að sósan er orðin þykk og fín. Bragðið til með cayennepipar
- humarhalar
- steinselja
- hvítlaukur
- smjör
- Tagliatelle (pasta)
- parmesan
Eldið humarhalana að vild. Steikið, grillið eða eldið í ofni ásamt smjöri, hvítlauk og steinselju.
Sjóðið pasta. Blandið sósunni saman við pastað ásamt fínt saxaðri steinselju, setjið á diska og humarhalana yfir. Berið fram ásamt nýrifnum parmesan.
Hér má finna fleiri uppskriftir að humar.
Hér er tilvalið að hafa gott Chablis með á borð við Domaine Laroche St. Martin.
