þessi súkkulaðikaka er einstaklega mjúk og góð. Hún er bæði gómsæt beint úr ofninum og lika þegar hún hefur kólnað.
- 200 grömm döðlur
- 2 dl vatn
- 1 tsk matarsódi
- 80 grömm mjúkt smjör
- 150 grömm flórsykur
- 2 egg
- 2 tsk lyftiduft
- 150 grömm hveiti
- 35 grömm kakó
Hakkið döðlurnar í litla bita og setjið i pott ásamt vatninu. Leyfið þessu að sjóða upp og takið þá pottin af hellunni. Bætið þá matarsódanum út í og leyfið að standa allavega í 5 mín.
Hrærið saman smjörinu og flórsykrinum og bætið næst eggjunum saman við einu í einu.
Sigtið hveitið, lyftiduftið og kakóið saman og blandið við deigið. Blandið loks döðlunum út í.
Helllið deiginu í smurt 26 cm form. Ég set oft smjörpappír á botninn þannig að auðvelt sé að taka kökuna af botninum og setja á kökudisk.
Bakist við 175 gráður í cirka 50-60 mínútur. Leyfið kökunni að kólna í smá tíma áður en hún er tekin úr forminu
