Kjötbollur eru kannski ekki það fyrsta sem flestum dettur í hug þegar indversk matargerð er annars vegar…
- 500 g lambahakk
- 1 lítil lúka fiínsaxaður kóríander
- 1 tsk cummin
- 1 tsk kóríanderkrydd
- 1/2 tsk Garam Masalaa
- 1/2 tsk chiliflögur
- 3 msk grísk jógúrt
- salt og pipar
Blandið öllu vel saman með höndunum. Setjið skálina með kjötblöndunni í ísskáp og geymið.
Þá er komið að þvi að gera sósuna með bollunum. Fyrsta skrefið er að taka saman kryddin sem þarf að nota.
- 1 tsk cummin
- 1 tsk paprika
- 1 tsk engifer
- 1/2 tsk Cayennepipar
Þá þurfum við næst:
- 5 hvítlauksgeirar
- 3 sm bútur af engifer
Setjið hvítlauk og engifer í matvinnsluvél ásamt 2-3 msk af vatni og maukið. Blandið kryddblöndunni saman við. Geymið maukið.
Annað sem þarf í sósuna er:
- 1 kanilstöng
- nokkrir negulnaglar (5-6)
- 1 tsk kardimomma
- 1 stór laukur, saxaður
- 1 dós tómatar
- 1/2 dós grísk jógúrt
- olía
- salt og pipar
Hitið olíu á pönnu og setjið kanilstöngina og negulnaglana út á. Blandið saman við olíuna og bætið næst saxaða lauknum og kardimommunni á pönnunni. Brúnið laukinn í 3-4 mínútur. Hellið þá engifer/hvítlauksmaukinu með kryddblöndunni á pönnuna og blandið vel saman við.
Setjið tómatana út á og blandið vel saman. Hrærið jógúrtinu saman við, einni og einni matskeið í einu.
Takið kjötblönduna úr ísskáp og mótið kjötbollur (t.d. með ísskeið) og setjið út á pönnuna. Setjið lok á pönnuna og látið malla á vægum hita í um hálftíma. Leyfið að malla aðeins áfram. Bragðið til með salti og pipar.
