Vina Real 2014

Vina Real er eitt af vínhúsum CVUNE í Rioja, upphaflega stofnað fyrir einni öld. Það hefur löngum verið framarlega í hópi hinna sígildu Rioja-hús og vínin eru nú gerð í nútímalegri víngerð í Laguardia og setur byggingin, teiknuð af Frakkanum Philippe Maziéres sterkan svip á umhverfið. Hún minnir um margt á eikartunnu í útliti en Vina Real var einmitt með fyrstu vínhúsum Rioja að láta vín sín liggja á eikartunnum í langan tíma fyrir átöppun.

Þrúgurnar hér koma frá svæðinu Rioja Alavesa, aðallega Tempranillo en tíundi hluti vínsins er blanda úr Garnacha, Mazuelo og Graciano. Dimmrautt, ávöxturinn ferskur, þykkur, ferskar kryddjurtir, eikin er framarlega, vanilla og reykur, anís. Það er ferskt í munni, tannín kröftugt, mineralískur endir.

90%

2.999 krónur. Frábær kaup. Með nautalund.

  • 9
Deila.