Trapiche hefur verið leiðandi vínhús í Argentínu í á aðra öld og býður upp á breiða palettu af vínum, flest þeirra frá Mendoza-héraðinu. Þar er auðvitað Malbec-þrúgan allsráðandi og Gran Medalla má segja að sé skólabókardæmi um flott Malbec-vín. Þrúgurnar koma af ekru í Uco-dalnum sem er það svæði Mendoza sem teygir sig hæst upp í Andesfjöllin. Dimmfjólublátt, út í svart, þykkur og djúpur ávöxtur, bláberjasafi og sólber, kryddað, kókos, vanilla og reykur. Þykkur, kröftugur en mjúkur massi í munni, langt og mikið, fersk sýra, míneralískt.
100%
4.199 krónur. Frábær kaup, svakalega gott vín á þessu verði og tekur einkunn mið af því. Massíft rauðvín fyrir nautakjöt, lamb og villibráð.
-
10
