Þessi spænska kjúklingauppskrift er bragðmikil og chorizo-pylsurnar eru lykilatriði auk þess að gefa sér góðan tíma við eldun til að ná öllum brögðunum saman.
Innihald
- 1 kjúklingur, bútaður í átta bita
- 2 laukar, grófsaxaðir
- 2 mislitar paprikur, grófsaxaðar
- 1 dós tómatar
- 5 hvítlauksgeirar, saxaðir
- 1 poki spínat
- 1 ca 100 g pakkning Chorizo-pylsur í sneiðum (skerið sneiðarnar í minni bita)
- 2 dl rauðvín
- 1 dl ólívuolía auk 3 msk til steikingar
- 1 msk paprikukrydd
- 1 tsk chiliflögur
- 1 tsk kóríanderkrydd
- salt og pipar
Aðferð
- Hitið ofninn í 180 gráður.
- Blandið öllu nema kjúklingnum, lauknum og hvítlauknum saman í stórri skál. Setjið blönduna í fat og inn í ofninn í 30 mínútur.
- Hitið olíu á pönnu. Bútið kjúklinginn niður. Steikið á pönnu þar til hann hefur tekið á sig lit. Saltið og piprið. Bætið söxuðum lauknum og hvítlauknum út á og steikið áfram þar til laukurinn er orðinn mjúkur og farinn að brúnast.
- Takið grænmetisblönduna úr ofninum og bætið út á pönnuna. Látið malla þar til kjúklingurinn er eldaður í gegn og sósan farin að þykkna.
Berið fram með hrísgrjónum.
