Saint Clair Omaka Reserve Chardonnay 2017

Hjónin Neal og Judy Ibbotson stofnuðu vínhúsið Saint Clair árið 1978 í Marlborough á suðureyju Nýja-Sjálands, en það er langmikilvægasta víngerðarhérað landsins. Um þrjá fjórðu allrar vínframleiðslu Nýja-Sjálands í dag má finna í Marlborough. Omaka Valley er eitt af undirsvæðum Marlborough þar sem aðstæður til ræktunar á ferskum, björtum vínum eru einstaklega góðar, heitir dagar og svalar nætur. Omaka Reserve Chardonnay er sjarmerandi nýja-heims Chardonnay, liturinn gulur og ávöxturinn suðrænn og sætur, þroskaðar ferskjur, sætur greipávöxtur og ástaraldin og þykk og sæt eik. Víngerjun Omaka Reserve í amerískri eik, sem leynir sér ekki, mikil vanilla og ristaðar hnetur. Kröftugt og þykkt, fersk og fín sýra.

90%

3.299 krónur. Frábær kaup. Með humri, t.d. humarsúpu. Með kalkún.

  • 9
Deila.