Bjóráhugafólk á Íslandi kannast eflaust vel við Surly-brugghúsið frá Brooklyn Center í Minnesota í Bandaríkjunum. Surly er þekkt nafn bjórheiminum í dag og er það eitt erlendu brugghúsanna sem heimsóttu okkur á The Annual Icelandic Beer Festival í lok febrúar. Lengsta röðin sem myndaðist á hátíðinni var þegar hinn hávaxni Vestur-Íslendingur Jerrod Johnson frá Surly stóð við dælurnar á KEX Hostel á hátíðinni.
Brugghúsið var stofnað af þeim Omar Ansari og Todd Haug fyrir rúmum áratug síðan. Þeir félagar kynntust í gegnum sameiginleg áhugamál sem eru bjórgerð og þungarokk. Todd er einnig tónlistarmaður og er gítarleikari í þungarokksveitinni Powermad sem m.a. kom fram í kvikmynd David Lynch Wild at Heart sem er mörgum Íslendingum kunn.
Nöfnin á bjórunum þeirra eru oft glettileg og krassandi og má nefna bjóra á borð við Darkness, Tea Bagged Bender, Sausage Fest og Pentagram.
Surly verða með fjóra bjóra á dælum á Mikkeller & Friends Reykjavík á morgun, föstudaginn 11. mars. Húsið opnar klukkan 14:00 og má búast við að mikilli ásókn.
Á dælum verða:
- Surly Furious IPA
- Surly Abrasive DIPA
- Surly Cynic Saison
- Surly Darkness Imperial Stout
