Það verður sífellt algengara að sjá blöndu úr þrúgunum Sauvignon Blanc og Viognier og í þessu tilviki bætist einnig við Bordeaux-þrúgan Sémillon sem hefur lengi notið vinsælda hjá víngerðarmönnum Ástralíu þótt lengst af hafi hún fyrst og fremst verið notuð til blöndunar með Chardonnay.
Jacob’s Creek Three Vines Semillon-Sauvignong Blanc-Viognier 2007 er um margt dæmigerður hvítur Ástrali með dúndrandi hitabeltisávexti þar sem greina má í nefi ananas, kantalópu-melónur og banana í bland við apríkósur og mildan sítrus. Hefur ágætan ferskleika og þokkalega þykkt með þægilegri ávaxtasætu.
Sem fordrykkur eða með austurlenskum mat, t.d. taílenskum.
2.399 krónur
