Þessi kjúklingur byggist á því að troða kjúklinginn út af kryddjurtum og sítrónum og grilla hann svo lengi á óbeinum hita. „Fyllingin“ er ekki borðuð en safinn úr sítrónunum og rósmarínið gefa honum einstaklega gott bragð.
- 1 kjúklingur
- 1 sítróna
- 3-4 rósmarínkvistar
- 1 lúka steinselja, fínsöxuð
- 1 lúka basil, fínsaxað
- salt og pipar
Stingið puttanum undir skinnið á kjúklingnum við bringuna þannig að það losni frá. Blandið saman saxaðri steinseljunni og basil og troðið undir skinnið við bringurnar báðum megin.
Saltið kjúklinginn vel að innan. Skerið sítrónuna í tvennt og setjið hana í holrými kjúklingsins ásamt rósmarínkvistunum. Bindið fyrir með snæri. Smyrjið kjúklinginn vel með ólívuolíu og saltið og piprið hressilega.
Grillið á óbeinum hita í um 45 mínútur til klukkustund.
Það er hægt að velja jafnt hvít sem rautt með þessum rétti. Tilvalið með væri t.d. franskt Chardonnay frá Loire-dalnum, Domaine de la Moriniere.
