Þessi réttur er algjör klassiker, byggður á uppskrift úr hinni stórgóðu veislubók Hagkaupa. Hlutföllin hafa breyst við notkun í gegnum árin og majonnesinu í upphaflegu uppskriftinni sleppt. Þetta slær alltaf í gegn hjá fullorðna fólkinu í afmælisveislum og hjá konunum í saumaklúbbnum.
- 4 rúllutertubrauð
- 2 dósir sveppasmurostur
- 1 dós sýrður rjómi 18%
- 2 dósir sýrður rjómi 10%
- 500 g skinka
- 3 litlar dósir aspasbitar
- 1 msk Oscar grænmetiskraftur
- 2 pokar rifinn mozzarella
- Paprikukrydd
Skerið skinkuna í litla bita. Hrærið saman sveppaosti, sýrðum rjóma (10%), grænmetiskrafti og aspas. Smyrjið á rúllutertubrauðin, rúllið þeim upp og raðið á ofnplötu. Smyrjið með sýrðum rjóma (18%) og stráið ostinum yfir. Sáldrið paprikukryddi yfir.
Bakið í um 40 mínútur við 200 gráður.
