Avgolemono er ein af grunnsósum gríska eldhússins og þýðir einfaldlega egg og sítróna. Hér er sósan meira í átt við súpu en kjúklingur í þannig súpu heitir kotopoulo soupo avgolemono á grísku.
- 1 kjúklingur
- kjúklingasoð
- 2 gulrætur, gróft niðursneiddar
- 2 laukar, grófsaxaðir
- 1 sellerístilkur, grófsaxaður
- 2 timjanstönglar
- 1 msk svört piparkorn
- 1 tsk Maldonsalt
- 4 eggjarauður
- 1,5 sítrónur, safinn pressaður
- væn lúka af saxaðri flatlaufa steinselju
Setjið kjúklinginn í stóran pott ásamt vatni og kjúklingakrafti, gulrótunum, lauknum, sellerí, timjan, salti og piparkornum. Leyfið suðunni að koma upp og látið malla í 80-90 mínútur.
Takið kjúklinginn upp úr soðinu og skerið kjötið af beinunum. Geymið og haldið heitu undir álpappír.
Setjið kjúklingabeinin aftur í pottinn og sjóðið áfram í 10-15 mínútur. Síið soðið. Það þurfa að vera um 1,5 lítrar eftir af soði.
Pískið eggjarauðurnar saman. Bætið um 1 dl af soði saman við og pískið vel. Pískið næst sítrónusafanum saman við. Setjið í pott ásamt 7 dl af soðinu, pískið reglulega í og látið malla þar til sósan/súpan hefur þykknað aðeins, það getur tekið alveg um 10-15 mínútur. Bragðið til með salti og pipar ef þarf og bætið við sítrónusafa ef þið viljið meira bit.
Í öðrum potti eru hrísgrjón soðin á meðan í afganginum af soðinu. Ef þið eruð ekki með nóg soð til að sjóða grjónin er vatni bætt saman við. Einnig er gott að krydda grjónin með klípu af kardimommu í soðið.
Setjið kjúklingakjötið í skál og hellið avgolemono súpunni yfir. Sáldrið saxaðri steinseljunni yfir. Berið fram með hrísgrjónum.
Ferskt og lítið eða óeikað suður-evrópskt hvítvín með, t.d. Beso de Vino Macabeo.
