Zweigelt er hin rauða einkennisþrúga Austurríkis og varð til með blöndun tveggja annarra austurrískra þrúgna, Blaufrankisch og St. Laurent. Þetta vín er frá hinum ágæta framleiðanda Fischer í Thermenregion, sem er vínræktarsvæði rétt fyrir utan Vínarborg.
Skarpur rauður ávöxtur í nefi, sýrumikil kirsuber og birkigreinar, örlítill negull. Létt og þægilegt, með ferskri sýru og þéttum ávexti. Svolítið eins og kryddaður, góður Beaujolais.
2.369 krónur. Með kjúkling og kalkún.
