Frönsk jarðarberjakaka

Þessi kaka heitir Gateau Cardinal eða kardínálsterta á frönsku og er byggð upp annars vegar með einföldum svambotni sem er vættur með örlitlum jarðarberjalíkjör og síðan jarðarberjamús.

Botninn

  • 4 egg
  • 2 dl sykur
  • 1 dl hveiti
  • 0,75 dl kartöflumjöl
  • 1,5 tsk lyftiduft

Þeytið saman egg og sykur. Bætið næst hveiti, kartöflumjöli og lyftidufti út í og þeytið vel saman. Setjið í smurt 26 sm smelliform og bakið í 40 mínútur við 175 gráður.

Jarðarberjamús

  • 300 g þroskuð og fín jarðarber auk nokkurra til skreytingar
  • 125 g flórsykur
  • 5 dl rjómi
  • 3 egg
  • 2 msk sykur
  • 1 dl jarðarberjalíkjör t.d. De Kuyper Wild Strawberry + 0,5 dl til að væta kökubotninn
  • vanillustöng
  • 8 matarlímsblöð

Maukið jarðarber og flórsykur saman í matvinnsluvél.

Þeytið rjómann

Bleytið matarlímsböðin í nokkrar mínútur og leysið síðan upp í vatnsbaði eða örbylgjuofni. Bætið líkjörnum saman við.

Skerið vanillustöngina í tvennt og skafið vanillukornin innan úr. Setjið í skál með eggjunum og sykrinum og þeytið saman.

Blandið jarðarblöndunni saman við og síðan matarlíminu/líkjörnum og loks rjómanum.

Hafið botninn í háu smelluformi. Skerið jarðarber í sneiðar og raðið meðfram hliðinni á forminu. Hellið um 0,5 dl af jarðarberjalíkjör yfir botninn. Hellið næst jarðarberja/rjómablöndunni yfir.

Setjið í ísskáp og látið stirðna.

Deila.