Adobe Chardonnay Reserva 2012

Adobe Chardonnay er lífrænt ræktað vín eins og önnur frá Bodegas Emiliana, enda er vínhúsið einn stærsti framleiðandi lífrænna vína í heiminum.

Þetta er Nýja-heimsvín út í fingurgómana, sætur hitabeltisávöxtur í nefi, ananas, sætur greip en líka epli og perur. Ferskt og þægilegt, bjartur og suðrænn ávöxturinn heldur áfram í munni, aðlaðandi hvítvín. Góður fordrykkur eða með t.d. grilluðum laxi með smá asísku ívafi.

2.199 krónur.