Rio Negro eða Svartá er víngerðarhérað í Patagóníu, syðsta héraði Argentínu. Þar sem þetta er á suðurhvelinu verður loftslagið svalara eftir því sem sunnar dregur og aðstæður í Patagóníu því að mörgu leyti „evrópskari“ en á hinum heitum víngerðarsvæðum norðar í landinu. Humberto Canale er helsta vínhús Rio Negro og þetta eru svo sannarlega vín sem eru ólík hinum „hefðbundnu“ argentínsku vínum.
Mjög dökkt á lit, út í svart. Djúp, þroskuð, dökk angan, svört ber, krækiber, töluvert kryddað, út í lakkrís. Þétt, ágengt í munni, nokkuð tannískt. Vínið er enn áberandi ungt og hefur gott af smá geymslu eða að minnsta kosti að leyfa því að opna sig í einhvern tíma fyrir neyslu. Umhellið.
2.299 krónur. Góð kaup.
