Þetta eru fantagóðar kartöflur með grillsteikinni og afskaplega fljótlegt og einfalt að undirbúa þær. Það sem þarf í þessar rósmarínkartöflur er:
- 1 kg kartöflur
- væn lúka rósmarín
- 3-4 hvítlauksrif, pressuð
- safi úr hálfri sítrónu
- 1 dl ólífuolía
- salt og pipar
Skerið kartöflurnar í tvennt eða fernt, allt eftir stærð. Saxið rósmarín fínt og pressið hvítlaukinn. Setjið hvítlauk, rósmarín, olíu og salt og pipar í skál. Blandið saman og veltið kartöflubitunum síðan vel upp úr. Setjið bökunarpappír á plötu og dreifið úr kartöflunum. Eldið í ofni við 180 gráður í um klukkustund.
Smellið svo hér til að sjá fleiri kartöfluuppskriftir.
