Gyllta glasið 2015

Nú er nýlokin keppnin um Gyllta Glasið 2015 sem var haldin í ellefta sinn undir stjórn Vínþjónasamtaka Íslands. Í ár var verðflokkur vína í keppni frá 2.490 kr. til 3.500 kr, sá sami og var 2014 og máttu vínin koma frá öllum heiminum og völdu vínbirgjar vínin sem þeir lögðu til í þessa keppni.

Vínin voru smökkuð blint af sérstakri dómnefnd sem Vínþjónasamtökin boðuðu til á Hótel Hilton Nordica mánudaginn og þriðjudaginn 4.-5. maí. Þáttakan í Gyllta glasinu í ár var frábær viðað við verðflokkinn, en alls skiluðu sér 119 vín til leiks frá 13 vínbirgjum.

Alls voru það 24 manns sem blindsmökkuðu og dæmdu vínin samkvæmt Parker skala. Yfirdómari var eins og fyrri ár Alba E H Hough margfaldur Íslandsmeistari vínþjóna ásamt sérstakri aðstoð frá Sigrúnu Þormóðsdóttir Ástþóri Sigurvinssyni og Jóni Eggert Víðissyni og eiga þau endalausar þakkir fyrir að standa að stærstu blindsmökkun sem fram fer á Íslandi ár hvert, svo má alls ekki gleyma Hilton Reykjavík Nordica fyrir þeirra hlut að útvega okkur fyrsta flokks aðstöðu, þjónustu með frábærum veitinginum.

10 hvítvín og 10 rauðvín urðu svo fyrir valinu og hlutu Gyllta glasið 2015. Vínin verða sérmerkt í Vínbúðum með merki Gyllta Glassins og gildir það fyrir árganginn sem fékk verðlaunin.

Hvítvín

  • Bramito del Cervo Chardonnay 2014 2.799
  • Tariquet Réserve 2013 2.590
  • Willm Gewurztraminer Reserve 2013  2.999
  • Willm Riesling Reserve 2013  –  2.699
  • Terrunyo Sauvignon Blanc 2009  – 3.099
  • Envoy Chardonnay 2011 – 2.758 kr
  • Jean Leon 3055 Organic Chardonnay 2014  – 2.790 kr
  • Jacobus Riesling Trocken 2013 – 2.956 kr
  • Domaine Tabordet Pouilly Fume 2013 – 2.965 kr
  • Vicar’s Choice Riesling 2012 – 2.499 kr

Rauðvín

  • Domaine de Villemajou Corbieres Boutenac 2013 – 3.199 kr
  • Château La Sauvageonne Cuvée Pica Broca 2013 – 2.969 kr
  • Marques de Casa Concha Cabernet Sauvignon 2013 – 2.999 kr
  • Nederburg Manor House Cabernet Sauvignon 2012 – 2.599 kr
  • Morandé Gran Reserva Merlot 2011 – 2.767 kr
  • Marques de Casa Concha Merlot 2012 – 2.999 kr
  • Coto de Imaz Gran Reserva 2005 – 3.499 kr
  • Bodegas Montecillo Viña Monty Reserva 2009 –  2.998 kr
  • Pujol Côtes du Roussillon Fûts de Chêne 2012 – 2.790 kr
  • Marques de Caceres Reserva 2009 – 3.292 kr
Deila.