Gerard Bertrand er einhver besti og athyglisverðasti vínframleiðandi Suður-Frakklands. Þetta rauðvín kemur frá svæðinu Pic St. Loup, sem er jafnframt eitt athyglisverðasta svæðið í Languedoc.
Mjög þroskaður svartur ávöxtur, sólber, út í sveskjur, reykur, tjara. Þétt og ágætlega mikið vín fullt af þroskuðum og fínum ávexti, mjúk tannín, gott matarvín.
2.369 krónur. Frábær kaup.
