Gunnari Karli og Agern hrósað í hástert í New York Times

Gunnar Karl Gíslason matreiðlsumaður flutti í byrjun árs til New York til þess að opna veitingarstaðinn Agern ásamt hinum danska frumkvöðli og sjónvarpsmanni Claus Meyer.  Agern opnaði snemma vors hefur farið mjög vel af stað.  Í forsíðuumfjöllun fjallar blaðamaður New York Times, Pete Wells, um veitingarstaðinn og fer hann lofsamlegum orðum um staðinn.

„Ég er einstaklega stoltur og hamingjusamur með samstarfsfólk mitt.“ segir Gunnar um þessa umjöllun.

Agern er hluti af 460 fermetra matarmarkaði í Grand Central Terminal.  Gunnar hefur oftast nærverið  kenndur við margrómaðan veitingastað sinn Dill í Reykjavík.  Pete segir meðal annars í greininni: „Frá opnun hefur Agern tekist að gera lestarstöðina og veitingahúsaflóruna í New York mun áhugaverðari.“

Það er óhætt að segja að Gunnar hafi með opnun á Agern geirnelgt íslenska matargerð og matarhefð á heimskortið.  New York er ekki auðveld borg til þess að opna veitingarstað og er samkeppni þar mikil og sannar þessi umfjöllun að Gunnar, Claus og félagar hafi tekist vel til með markmið sitt.  Árangur Gunnars má stíla á elju, mikla hæfileika og trú á sínar eigin hugsjónir.

Greinina má sjá hér:

http://www.nytimes.com/2016/08/03/dining/agern-restaurant-review.html?_r=1

Líkt og á Dill hefur Gunnar unnið með bestu fáanlegu og mest sérkennandi afurðirnar sem New York-ríki hefur að bjóða í náinni samvinnu við handverksbændur og birgja úr ríkinu.  Hann hefur einnig flutt með sér hráefni upprunin frá Norðurlöndunum eins og skyr, íslenskt söl og finnska sveppi og  sömuleiðis notar kokkateymið á Agern fornar norrænar aðferðir eins og söltun, pæklun og reyk.

Hinn margrómaði veitingastaður Gunnars, Dill, hefur getið sér gott orð hérlendis sem og erlendis.   Samstarfsmaður Gunnars til margra ára, Ragnar Eiríksson, tók við eldhúsi Dill og rekur staðinn með miklum sóma.  Gunnar heldur enn sinni sterku aðild þar eins og sömuleiðis á Sæmundi í sparifötunum á KEX Hostel, Hverfisgötu 12 og Mikkeller & Friends Reykjavík sem eru staðir sem Gunnar hefur mótað ásamt fleirum.

Ekki nóg með að New York Times hafa fjallað því í síðustu viku birtust umfjallanir um Agern og matarmarkaðinn í NBC New York og á heimasíðunni Grub Sreet.

http://www.nbcnewyork.com/on-air/as-seen-on/Claus-Meyer_s-Great-Northern-Food-Hall_New-York-388145832.html

http://www.ft.com/cms/s/0/5f174766-4ec8-11e6-8172-e39ecd3b86fc.html

http://www.grubstreet.com/2016/07/great-northern-food-hall-review.html

Heimasíðu Agern með nánari upplýsingum um staðinn má finna hér: http://agernrestaurant.com/

 

Deila.