Poggio al Tesoro Solosole Vermentino 2016

Allegrini-fjölskyldan er ein af þekktustu vínfjölskyldum Veneto og hún hóf árið 2003 að rækta vín á landareigninni Poggio al Tesoro í Bolgheri í Toskana. Solosole er vín úr þrúgunni Vermentino sem er algeng á vesturströnd Ítalíu, Sardiniu og á Miðjarðarhafssvæðum Frakklands.

Ljósgult á lit með ferskri, bjartri sítrusangan, sítrónuberki og blómum. Það er ferskt og sprækt í munni, lifandi sýra, létt og míneralískt með mildri og þægilegri seltu í lokin.

90%

2.990 krónur. Frábær kaup. Þetta er hörkuhvítvín. Fínt með smjörsteiktum humar eða rækjuréttum.

  • 9
Deila.