Baigorri er eitt af nýrri vínhúsum Rioja-vínhéraðsins á Spáni og hefur byggt upp nútímalega víngerð á undirsvæðinu Rioja Alavesa. Reserva-vínið er 100% Tempranillo af gömlum vínvið og það hefur legið í 18 mánuði á franskri eik áður en því var tappað á flösku og geymt í kjöllurum Baigorri.
Dökkt örlítið farið að sýna þroska í lit, þurrt, míneralískt, eikin þurr, svolítið púrtvínslegt í nefi, þurrkaður ávöxtur, negull, kryddað örlítið glögg. Þykkt og mikið í munni, tannín þétt, mjúk og kröftug. Mikið vín.
100%
3.990 krónur. Frábær kaup. Smellur vel að hreindýri.
-
10
