Prosecco-freyðivínin ítölsku hafa verið gífurlega vinsæl á síðustu árum og það sama má segja um rósavín. Hér sameinar Ruffino þetta tvennt í rósa-Prosecco. Vínið er gert úr hinni hefðbundnu Prosecco-þrúgu Glera en smávegis af Pinot Noir bætt við til að gefa litinn og hafa áhrif á bragðprófílinn. Vínið er fagurbleikt og í nefinu þægilegur rauður berjaávöxtur, jarðarber, hindber og tyggjó. Það er milt, aðeins sætt en sætan verður ekki væmin og það freyðir þægilega. Ágætis sumarbúbblur.
70%
2.699 krónur. Góð kaup. Berist fram ískalt á pallinum á sólríkum degi.
-
7