Mint Julep eru kokteilar ættaðir úr Suðurríkjum Bandaríkjanna þar sem myntu og sykri er blandað saman við bourbon. Í þessari útgáfu Christian Hägg á bar Kolabrautarinnar í Hörpunni er hins vegar brugðið aðeins út af venjunni og notað gott koníak. Hann ber hins vegar drykkinn fram í silfurbolla líkt og söguleg hefð er fyrir.
Vætið hrásykurmola með Angostura Bitter. Setjið í glas ásamt skvettu af sódavatni og merjið með staut þannig að sykurinn leysist upp.
Næst koma:
- 5 cl Camus VSOP
- fersk mynta
- dass af púðursykursírópi
- mulinn klaki
Hristið vel í kokkteilhristara og hellið í glas. Skreytið með myntu.
