Alexander er einn af þessum gömlu og góðu, klassískur rjómakokkteill sem hér á árum áður var einn vinsælasti kokkteill landsins og margir biðja enn um. Upprunalega útgáfan af Alexander var með gini en á fyrri hluta síðustu aldar festi Brandy Alexander sig í sessi þar sem koníak eða brandí var notað í staðinn fyrir gin. Á Íslandi er Alexander yfirleitt alltaf Brandy Alexander. Það var Toffi í Perlunni, einn reynslumesti þjónn landsins, sem hristi hann saman fyrir okkur.
1/3 Koníak
1/3 Créme de Cacao (dökkt)
1/3 rjómi
Hristið saman í kokkteilhristara ásamt klaka. Hellið í martini-glas. Skreytið með rifinni múskathnetu eða súkkulaðiflögum.
