Fimm ástralskir kryddlegir

Tedda í Adelaide í Ástralíu sendi Vínótekinu þessar uppskriftir af fimm áströlskum kryddlögum og kryddblöndum (dry rub) sem eru góðar að nota á grillkjötið og jafnvel fiskinn.

Thai lime og sitrónugras kryddlögur

• 3 snyrtir og fínsaxaðir stilkar sítrónugras
• 2 tsk finsaxað limehýði
• 60 ml limesafi
• 1 msk fiskisósa (fishsauce)
• 2 stk. rauður chillipipar
• 1 msk púðursykur
• 1 msk olífuolía
• 1 msk saxað engifer

 

1. Setjið hráefnin í blandara og blandið saman í smá stund.
2. Blandan þarf öll að vera smátt söxuð.
3. Penslið vel yfir kjöt, kjúkling eða fisk.
4. Grillið.

 

Hvitlauks- og rósmarins kryddlögur

• 4 rif hvítlauk
• 3 stilkar af fersku rósmarin
• 60 ml ólifuolía
• 1 msk balsamik edik
• 1 tsk sjávarsalt
• Nýmulinn svartur pipar

 

1. Blandið saman í skál og notið sem kryddlög fyrir lamb, svínakjöt eða kjúkling.
2. Notið afganginn af leginum til þess að pensla kjötið á meðan grillað er

 

Bar-b-que  kryddlögur

• 2 msk Worchestersósa
• 2 mulin hvítlauksrif
• 125 ml bjór
• 2 msk tómatamauk (paste)
• 1 msk púðursykur
• Sjávarsalt
• Nýmulinn svartur pipar

 

1. Blandið saman í skál og hrærið vel saman.
2. Notið sem kryddlög fyrir nautakjöt, lamb eða kjúkling.
3. Notið afganginn til að pensla hráefnið með á meðan verið er að grilla.

 

Austurlenskur kryddlögur

• 1 msk fínt saxað ferskt oreganó
• 1 msk fínt saxað tímjan
• 1 msk sesamfræ
• 1 tsk sjávarsalt

Blandið saman í skál og nuddið kjötinu upp úr kryddinu

 

Piparblanda

• 2 tsk sjávarsalt
• 1 tsk hvit piparkorn
• 1 tsk svört piparkorn

Myljið vel saman í morteli. Bætið við 1 tsk af grænum piparkornum og myljið létt áfram. Nuddið blönduna á grillmetið og grillið.