Það er hægt að gera ýmsilegt við andarbringur. Þær eru tilvaldar á grillið, það eina sem þarf að varast er að fitan sem lekur úr húðinni kveiki ekki í öllu saman. Hér er grillútgáfa af hinni klassísku frönsku appelsínuönd.
- 2 andarbringur
- 2 appelsínur
- 1 sítróna
- 1 dl appelsínumarmelaði (ekki of sætt, t.d. St. Dalfour)
- lúka af estragon, saxað
- ólífuolía
- salt og pipar
Rífið væna matskeið af appelsínuberki og aðra af sítrónuberki með fínu hliðinni á rifjárni. Pressið safann úr bæði appelsínunni og sítrónunni og setjið í skál ásamt berkinum. Bætið við marmelaði og fínsöxuðu estragon, skvettu af olíu , salti og pipar.
Skerið raufar í skinnhliðina á bringunum og látið þær liggja í um 2/3 af leginum í að minnsta kosti klukkustund.
Skerið appelsínu niður í þunnar sneiðar og leggið í afganginn af leginum.
Grillið bringurnar á háum hita, 3-4 mínútur á hvorri hlið undir loki. Lengdin ræðst af stærð bringnanna og hita grillsins. Bringur eru bestar medium-rare. Leyfið kjötinu að jafna sig í nokkrar mínútur áður en þið skerið þær í sneiðar.
Grillið appelsínusneiðarnar í 1-2 mínútur á hvorri hlið.
Skerið öndina í sneiðar, saltið örlítið ef þarf. Berið fram ásamt appelsínunum og t.d. steiktu spínati.
Gott Nýjaheimsrauðvín með s.s. St. Clair Pioneer Block Pinot Noir eða Montes Cabernet Sauvignon.
