Þetta er einföld og góð pizza. Piparosturinn gefur smá auka bit og fellur vel að pepperoni-pylsunum og ananasinn gefur örlitla sætu á móti.
Hráefni
- 1 skammtur pizzadeig
- 1 pakkning pepperoni
- 1 pakki rifinn piparostur
- 1 mozzarellakúla
- tómatapassata
- 1 lítil dós ananasbitar
Aðferð
- Fletjið deigið út.
- Smyrjið á þunnu lagi af tómatasósu (passata).
- Dreifið pepperoni-sneiðunum yfir pizzuna og því næst ananasbitunum.
- Skerið Mozzarellaostinn í sneiðar og dreifið skífunum yfir botninn. Stráið piparostinum yfir.
- Bakið (helst á pizzasteini) í ofni eða á grilli við hæsta mögulega hita þar til að botninn er orðinn stökkur og osturinn hefur bráðnað.
