Amerískir snúðar – Cinnabons

Þetta eru amerískir kanilsnúðar eins og þeir gerast bestir. Ekta Cinnabon. Galdurinn er að gefa deiginu góðan tíma til að lyfta sér, nota púðursykur í fyllinguna og rjómaost í kremið.

Deigið

  • 1 bréf þurrger
  • 1 bolli mjólk, volg
  • 1/2 bolli sykur
  • 1/3 bolli smjör
  • 4 bollar hveiti
  • 2 egg
  • 1 tsk salt

Fylling

  • 1 bolli púðursykur
  • 1/3 bolli smjör
  • 2 1/2 msk kanill

Kremið

  • 8 msk smjör (110 grömm)
  • 1 1/2 bolli flórsykur
  • 1/4 bolli rjómaostur
  • 1/2 tsk vanilludropar
  • 1/8 tsk salt

Aðferð:

  1. Hitið ofninn í 200 gráður.
  2. Leysið gerið upp í volgri mjólkinni. Hrærið smjöri, hveiti, sykri, eggjum og salti saman við. Hnoðið deigið í stóra kúlu. Sáldrið hveiti yfir og geymið undir viskustykki í nokkrar klukkustundir.
  3. Hnoðið deigið og fletjið út.
  4. Bræðið smjörið sem á að fara í fyllinguna. Blandið saman púðursykri og kanil.
  5. Smyrjið deigið með bráðnu smjörinu og sáldrið síðan púðursykurs/kanilblöndunni yfir.
  6. Rúllið deiginu upp á breiðari hliðinni. Skerið rúlluna niður í bita og raðið snúðunum á bökunarplötu.
  7. Bakið í 10 minútur.
  8. Þeytið saman flórsykur, rjómaost, smjör, vanilludropa og salt.
  9. Takið snúðana úr ofninum. Smyrjið kreminu á snúðana á meðan þeir eru enn heitir.

 

Deila.