Pizzur þar sem ekki er notuð tómatasósa á botninn eru kallaðar Pizza bianca eða hvítar pizzur á ítölsku en sú aðferð er ekki síst algeng í Lazio eða á Rómarsvæðinu. Þetta er útgáfa af hvítri pizzu með ítalskri skinku og eggi.
- 1 skammtur pizzudeig
- 1 bréf ítölsk hráskinka, prosciutto
- 1 laukur, skorinn í þunnar sneiðar
- 2 pokar ferskar mozzarella-kúlur
- egg
- ólívuolía
- oreganókrydd
Hitið ofninn í 225-250 gráður.
Fletjið deigið út þunnt. Penslð botninn með góðri ólívuolíu og sálrið oregano yfir. Dreifið lauksneiðunum yfir botninn. Skerið mozzarella-kúlurnar í sneiðar og dreifið yfir. Dreifið skinkusneiðunum yfir botninn. Brjótið eggið og setjið á miðjan botninn. Bakið í 10-12 mínútur eða þar til botninn er orðinn stökkur en eggið helst ekki alveg eldað í gegn.
Einfaldur en góður Chianti með t.d. Da Vinci Chianti.
