Cajun-kryddaður kjúklingur

Cajun-kryddblöndurnar eru hluti af matarmenningu New Orleans í Lousiana og má fá í flestum stórmörkuðum hér á landi.

Hráefni:

  • 700 g kjúklingabringur
  • 1-2 msk Cajun-krydd
  • 1 búnt vorlaukur, saxaður fínt
  • 6 sólþurrkaðir tómatar, saxaðir
  • 2,5 dl rjómi/matreiðslurjómi
  • 1 tsk basilkrydd
  • 2 msk smjör
  • 500 g spaghetti
  • parmesan-ostur
  • Aðferð:

Skerið kjúklinginn í bita og veltið vel upp úr Cajun-kryddinu. Bræðið smjörið á pönnu og steikið kjúklingabitana á miðlungshita,  í um fimm mínútur.

Bætið saxaða vorlauknum, söxuðu sólþurrkuðu tómötunum, basilkryddinu og rjómanum út á pönnuna. Saltið og piprið.

Leyfið þessu að malla á vægum hita í 20-25 mínútur.

Sjóðið pasta samkvæmt leiðbeiningum.

Berið kjúklinginn fram með pasta og nýrifnum parmesan-osti.