Þetta er pizza blanca eða hvít pizza en það nefnast þær pizzur þar sem ekki er notuð tómatasósa. Áleggið á þessa er ekki af verri gerðinni eða smjörsteiktur humar og ofnbakaður hvítlaukur.
Hráefni:
- Einn skammtur pizzadeig
- 25 ofnbökuð hvítlauksrif
- 250 g skelhreinsaður humar
- 1 stór Mozzarellakúla
- ólívuolía, extra virgin
- Maldon salt og nýmulinn pipar
Aðferð:
Hitið ofninn í 250 gráður.
Fletjið pizzudegið út og penslið vel með ólívuolíu. Smjörsteikið humarhalana á pönnu í örfáar mínútur. Dreifið yfir pizzuna ásamt hvítlauksrifunum. Skerið mozzarellakúluna í sneiðar og dreifið yfir pizzuna. Saltið og piprið eftir smekk.
Bakið pizzuna í 10-15 mínútur.
Með þessu hentar góður Chablis vel eða suður-ítalskt hvítvín.
