Matargerð Szechuan í suðurhluta Kína er þekkt fyrir að vera bragðmikil og sterkkrydduð og þaðan koma margir frábærir réttir. Það er nokkur hiti í þessum rétti enda matskeið af chiliflögum í uppskriftinni.
- 500 g kjúklingalundir, skornar í bita
- 2 dl cashew-hnetur, þurristaðar
- vænt búnt af vorlauk, söxuðum
- 4-5 hvítlauksgeirar, fínsaxaðir
- 3 sm engiferrót, rifin
- 2 dl kjúklingasoð
- 1/2 dl sojasósa
- 1/2 dl hvítvín
- 1 msk ljóst edik (asískt ef þið eigið það til)
- 1 msk chlliflögur
- 2 msk sykur
Hitið olíu á pönnu og steikið kjúklingabitana þar til þeir eru nær fulleldaðir. Takið af pönnunni og geymið.
Setjið öll önnur hráefni á pönnuna nema hneturnar og blandið vel saman. Látið malla þar til að sósan hefur soðið nokkur niður og er farin að karamelliserast.
Bætið kjúklingnum aftur á pönnuna og hrærið vel saman. Hrærið hnetunum loks saman við.
Berið fram með hrísgrjónum.
