Þessir sveppir eru svo sannarlega enginn skyndibiti. Það er dagsverk að elda þá. Það þarf hins vegar ekki að hafa mikið fyrir þeim og biðin er vel þess virði.
- 1 kíló sveppir
- 250 g smjör
- 1 lítri rauðvín
- 5 dl vatn
- 1 1/2 tsk Worchestershire-sósa
- 2 msk kjúklingakraftur
- 2 msk nautakraftur
- 4 hvítlauksgeirar, saxaðir
- 1 tsk dill
- salt
Skolið sveppina og setjið í stóran pott. Bætið öllum öðrum hráefnum saman við nema salti.
Hitið á miðlungshita og leyfið suðunni að koma upp. Lækkið hitann og látið malla undir loki á mjög vægum hita í sex klukkustundir.
Takið lokið af pottinum látið malla áfram á mjög vægum hita í þrjár klukkustundir til viðbótar.
Bragðið til með salti ef þarf í lokin. Berið fram með baguette-brauði.
