Óreganó, sítrónur og ólífur eru mikið notaðar í gríska eldhúsinu og eru uppistaðan í þessari samsetningu sem hentar mjög vel með lambakjöti, ekki síst kótilettum.
Grískur kryddlögur
- 1 dl ólívuolía
- safi úr 1/2 sítrónu
- 1 msk fljótandi hunang
- 3 pressaðir hvítlauksgeirar
- væn lúka af fínt söxuðu fersku óreganó
- salt og pipar
Blandið saman og látið kjötið liggja í kryddleginum í klukkustund að lágmarki.
Ólífuaioli/ ólífumajonnes
- 2 dl aioli eða gott majonnes
- 1,5 dl grænar ólívur saxaðar
- safi úr 1/2 sítrónu
- 1 tsk paprikukrydd
Grillið kjötið og berið fram með bökuðum eða grilluðum kartöflubitum, ólífumajonnesi og góðu salati. Með þessu svolítið kröftugt rauðvín, s.s. hið spænska La Planta frá Ribera del Duero.
