Rúnstykki með sólblómafræjum

Þetta eru góð rúnstykki úr rúgmjöli og deigið þarf ekki að hnoða.

  • 4 dl kalt vatn
  • 240 g hveiti
  • 150 g rúgmjöl
  • 1 msk hunang
  • 1 tsk salt
  • 1/2 tsk þurrger
  • sólblómafræ

Hrærið hveiti, rúgmjöl og salt saman. Blandið hunangi, geri og vatni saman og hrærið síðan út í hveitið með sleif. Deigið er nokkuð klístrað. Þekið skálina með plastfilmu og leyfið því að hefa sig í átta klukkustundir að lágmarki.

Þegar deigið er búið að hefa sig er hveiti stráð á borðið og deiginu hellt ofaná. Mótið það þannig að það myndi ferkant og brjótið síðan saman einu sinni. Það á þá að vera í laginu eins og snittubrauð. Penslið með vatni og stráið sólblómafræjunum yfir. Leyfið deiginu að lyfta sér aftur í um hálftíma.

Hitið ofninn í 275 gráður. Best er að hita pizzastein í ofninum.

Skerið deigið í um 8-10 bita. Takið pizzasteininn úr ofninum, setjið á hann bökunarpappír og síðan bollurnar. Ef þið eruð ekki með pizzastein eru þær settar á venjulega bökunarplötu.

Bakið í 11-12 minútur.

Deila.