Brownie með kaffiís

Súkkulaðikökur eða Brownies eru vinsælar hjá flestum og það sama á við um ís og kaffi. Hví þá ekki að sameina þetta allt í ísköku með Brownies-botni og kaffiís ofan á.

Brownie:

  • 200 g dökkt súkkulaði(70%)
  • 150 g smjör
  • 1 msk ósætt kakó
  • 3 egg
  • 225 g sykur

Bræðið súkkulaðið og smjörið yfir vatnsbaði.  Hrærið egg og sykur saman þangað til lé. Bætið síðan eggjamassanum út í kælt súkkulaðið ásamt kakóinu.

Smyrjið  22 cm smelluform að innan og stráið yfir sykri.  Bakið við 180 gráður í 35 mín.

IMG_5519

 

Kaffiís

  • 5 dl rjómi
  • 4 eggjarauður
  • 75 g sykur
  • 1 vanillustöng
  • 1 dós kaffijógúrt(180 g)
  • 2 tsk kaffi

Þeytið  vel saman eggjarauður og sykur.  Þeytið rjómann í annarri skál og bætið honum síðan varlega saman við eggjamassann. Skerið vanillustöngina í tvennt, skafið kornin úr og bætið við blönduna. Bætið síðan kaffijógúrtinu og kaffinu saman við.

Þegar bakaður súkkulaðibotninn hefur kólnað er ísblöndunni hellt yfir og formið sett í frysti. Geymið í frysti yfir nótt. Takið út að minnsta kosti hálftíma áður en bera á fram þar sem að kakan þarf að þiðna örlítið til að hægt sé að skera hana með góðu móti.