Þetta er einfaldur en safaríkur hamborgari. Við kryddum hann með koníaki en ef þið eigið það ekki til er einnig hægt að skipta því út fyrir Worchestershire-sósu. Þá er auðvitað hægt að nota hefðbundið majonnes í staðinn fyrir hið japanska. Við mælum svo eindregið með heimabökuðum hamborgarabrauðum.
Hamborgarar
- 600 g nautakjöt
- 2-3 msk koníak
- nýmulinn pipar
- sjávarsalt
Blandið öllu saman og mótið sex 150 gramma hamborgara í höndunum eða í hamborgarapressu. Grillið borgarana eða steikið. Skerið hamborgarabrauð í tvennt. Smyrjið Dijon-sinnepi á annan helminginn og japanskt majonnes á hinn helminginn. Setjið á salatblöð, tómatasneiðar og sneiðar af rauðlauk ásamt borgaranum.
Cole Slaw
- 1/2 hvítkálshaus
- 1 rauðlaukur
- 1 dós sýrður rjómi 10%
- 2 msk Dijon-sinnep
- 2 msk japanskt majonnes
- 1 tsk sykur
- salt og pipar
Skerið kálið og laukinn mjög smátt. Það er fljótlegast að gera það (varlega) í matvinnsluvél. Blandið öllu vel saman og geymið í ísskáp þar til bera á fram.
Með þessu kröftugt og ungt rauðvín, t.d ástralskan Shiraz á borð við Peter Lehmann Futures Shiraz.
