Nederburg Manor House Cabernet Sauvignon 2010

Nederburg er eitt af sögufrægustu vínhúsum Suður-Afríku og státar af ekta Chateau-i eða „setri“ líkt og góð frönsk vínhús. Manor House er ein af betri  og dýrari línum Nederburg og kennir sig einmitt við óðalssetrði.

Þetta er vín með sterk suður-afrísk einkenni, kröftugt og voldugt. Dökkt, í nefinu svartur, heitur ávöxtur, reykur, kol, jörð. Þétt og nokkuð eikað í munni, kröftug, mjúk tannín, kryddað með lakkrískeim. Með grilluðu rauðu kjöti, ekki síst bragðmikilli nautasteik.

2.799 krónur. Góð kaup.