Lo Mein er núðluréttur úr kantónska eldhúsinu sem nýtur mikilla vinsælda í kínversk-bandaríska eldhúsinu og er fastur liður á mörgum kínverskum veitingahúsum á Vesturlöndum. Uppistaðan er snöggsteikt grænmeti (sem hægt er að setja saman á margvíslega vegu), sósa úr soja, sesamolíu og stundum ostrusósu og núðlur. Síðan er auðvitað hægt að blanda saman við pönnusteiktu kjúklingakjöti, risarækjum og jafnvel humar.
- núðlur
- 2 msk rifinn engifer
- 6 hvítlauksrif
- 1/2 dl sojasósa
- 2 msk sesamolía
- 2 msk ostrusósa
- 1 msk hrísgrjónaedik
- olía til steikingar
Grænmeti t.d:
- sykurbaunir
- gulrætur, skorna í litlar ræmur
- brokkólí
- baunaspírur
- vorlaukur
- 1 laukur, saxaður
Sjóðið núðlurnar í um 4 mínútur.
Hitið olíu á pönnu og snöggsteikið grænmetið í 1-2 mínútur. Bætið þá hvítlauk og engifer út á steikið áfram í 3-4 mínútur. Hellið sojasósu og sesamolíu á pönnuna og blandið saman. Setjið núðlur á pönnuna og blandið vel saman. Veltið um á pönnunni þar til að núðlurnar eru tilbúnar.