Tribu-línan frá Trivento byggist á því að vínin séu ung og ávaxtarík, ólíkt t.d. hinum flóknu og miklu vínum í Golden Reserve-línunni. Hér er það þriggja lítra kassinn og þrúgan er Cabernet Sauvignon. Nokkuð heitur og þroskaður ávöxtur í nefi, plómur, svolítið ristað, mjúkt og heitt í munni, kryddað, lakkrís sem situr eftir ásamt ávextinum.
5.699 krónur eða sem samsvarar um 1.425 krónur á 75 cl flösku. Mjög góð kaup.
