Couscous-salat með Chorizo og kóríander

Það má segja að þetta búlgur-salat sé fusion-afbrigði við kreólauppskriftina Jambalaya. Chorizo er hægt að fá í stórmörkuðum bæði í sneiðum sem heilum pylsum. Hér notum við heilu pylsurnar.

  • 400 g Chorizo
  • 3 dl couscous e’a búlgur
  • 1 dós maukaðir tómatar
  • 1 laukur, saxaður
  • 3-4 hvítlauksgeirar
  • 1-2 tsk kjúklingakraftur
  • 1/2 fetakubbur, skorinn í bita
  • væn lúka af söxuðum kóríander
  • salt og pipar

Skerið Chorizo-pylsuna niður í litla bita, saxið lauk og hvítlauk. Hitið olíu á pönnu og steikið pylsubitana í nokkrar mínútur og bætið þá við lauk og hvítlauk. Veltið um á pönnunni í 3-4 minútur. Blandið búlgur eða couscous saman við og hellið síðan tómötunum út á, kjúklingakraftinum og um 3 dl af vatni og blandið vel saman. Látið malla í 12-15 mínútur undir loki á vægum hita. Bragðið til með salti og pipar. Blandið niðurskornum Fetaostinum og söxuðum kóríander saman við og berið fram.

 

 

Deila.