Zonnebloem getur rakið sögu sína allt aftur til sautjándu aldar en þá hófst vínrækt á jörðinni þó svo að býlið Zonnebloem hafi ekki fengið nafnið „Sólblóm“ fyrr en um miðja nítjándu öld. Zonnebloem er í Stellenbosch á Höfðasvæðinu í Suður-Afríku og hefur síðustu öld verið eitt af klassísku vínhúsunum þar. Þrúgan Cinsault er algeng við Miðjarðarhafið, ekki síst á heimaslóðum sínum í Frakklandi þar sem hún er algegn í blöndum með Carignan og Grenache í Languedoc-Rousillon og í rósavínum í Provence. Þrátt fyrir að hún sjáist sjaldan ein og sér þá er hún ein fjórða mest ræktaða rauðvínsþrúga Frakklands. Í Suður-Afríku hefur hún lengi verið ræktuð og algeng í blöndum með Cabernet Sauvignon. Í þessu rauðvíni frá Zonnebloem fær hún að standa ein og sér og stíll vínsins minnir að mörgu leyti á léttan nýjaheims-Pinot Noir. Bjartur og sætur rauður berjávöxtur, sultuð jarðarber og hindber, smá kryddbit og mjúk og þægileg áferð.
1.999 krónur. Þægilegt og aðgengilegt rauðvín, sem hægt er að bjóða fram með flestum léttum réttum.
-
7
