Aurelio Montes hefur verið einn áhrifamesti víngerðarmaður Chile síðustu tvo áratugina. Að undanförnu hefur sonur hans smám saman verið að taka aukna ábyrgð á víngerð hússins og sjálfur tók Aurelio í apríl 2019 við formennsku í samtökum víniðnaðarins í Chile, Vinos de Chile.
Eitt af fyrstu vínunum frá Montes sem sló í gegn hér á landi var hvítvíni úr Sauvignon Blanc-þrúgunni og þau eru enn með þeim vinsælli. Reserva-vínið er nú komið í 2018 árganginum, fölgult á lit með örlítið grænum tónum, angan af sætum perum og melónum, þroskuðum kívi, limeberki og blómum. Það er ferskt og grösugt í munni, vel balanserað og þægilegt.
80%
2.089 kronur. Frábær kaup. Ferskt, sumarlegt hvítvín. Sem fordrykkur eða með grilluðu sjávarfangi og sushi.
-
8
